main tumhari ladki hoon?

Ab to samjh bhi nahi aata ki main tumhari ladki hoon ya ladka?
kyunki tumhari “convenience” se kabhi main ladki hoon to kabhi main ladka

Koi kahega nahi
par jab ghar chalana ho
tumhare parivaar ki ladayiyan suljhaani ho
tumhare liye hospital ke chakar kaatne ho
tab main tumhara ladka hoon

par Agar bhule se kabhi, tumhe meri age yaad aayegi
shaadi karwane ki yaad aa gayi
to main ladki hoon

Ab to samjh bhi nahi aata ki samaj ko bhi kya chahiye?
ladki jo ladka ho
ya sirf ladki hona bahut hai?

Ab to dahej ke alwaa, ladke walon ko bhi
“kamau gaay” chahiye

par us “ladki” ka career nahi, sirf paise chahiye?

Aur agar, Ghar aur Career chalaane ke baad tum zinda bachi ya nahi
humein humari “Bahu” to zarur chahiye!!

Aur Aakhir mein

aajkal ke ghar ke beton ka kya hi kehna
aajkal ke ghar ke beton ka kya hi kehna

Wo to Sasural vida hui Betiyon ki tarha, Eid ka chaand hain
kabhi bhule bhatake ghar aa jaayein, aise mehmaan hain

Ab kehne ko bacha hi kya hai?

Uff itne duniya ke bhoj, ik nanhi se jaan par,
ki samjh hi nahi aata

Main tumhare Ghar ki Ladki hoon ya ladka?

— — — Shruti Pandey